تعرف عيبك ايه لما بتكتئب بتقول عاوز تفضفض و لما حد يقرب منك و يقولك فضفض تديله المانشيتات اللى باللون الاحمر و تجرى زى م يكون بتهرب تفضفض اوقات بحتار اقرب اكتر و اصمم تفضفض و الا اسيبك و انت هتحكى لوحدك وقت م تحب بس ف الاخر بكتشف انك بتلمم نفسك ف دايرة و تفضل لوحدك لا بتساعد نفسك ولا بتسيبنا على الاقل نسمعك
إنسان الحزن اللى صاحبنى..من يوم ما وعيت والبنت الغلبانة فى قلبى..ما فيهاش شىء مـ البنانيت...والواد المخنوق جواياكفران م الشارع والحواديت..تشــــــــــترى؟
بيرغمنى كتير، اتسحب وأهرب م الدنيا، وأقعد ع الكورنيش، أسمعله.. وهنااااك اتعودت أضايقه من ساعة ما اتعلمت أبطل تقطيع علبة سجايرى الكليوباترا وأسيبله القصديرة، يصرخ عليها زى ما هو عايز،
اكتشفت إنه ما يستهلش القعدة، لأن ما حدش فاهمه أو عايز يفهم، أنا عن نفسى أحيانا مابفهموش،
لكنه فى يوم صحانى الصبح بدرى، كانت الساعة خمسة تقريباً، دردشنا م بعض شوية، و طلب منى فرصة أخيرة، وعشان أنا أكتر واحد حاسيس بيه، كان لازم أوافق لأنى ما أقدرش أخونه
4 comments:
كلنا جمبك يا احمد
احنا اخواتك في الله
وبعدين مدونتك دي هي فضفضتك
اتكلم فيها كتير
قول اللي جواك
يا عندليب
مصطفى فتحي
تعرف عيبك ايه لما بتكتئب بتقول عاوز تفضفض و لما حد يقرب منك و يقولك فضفض تديله المانشيتات اللى باللون الاحمر و تجرى زى م يكون بتهرب تفضفض اوقات بحتار اقرب اكتر و اصمم تفضفض و الا اسيبك و انت هتحكى لوحدك وقت م تحب بس ف الاخر بكتشف انك بتلمم نفسك ف دايرة و تفضل لوحدك لا بتساعد نفسك ولا بتسيبنا على الاقل نسمعك
صح يادينا
عيبك الوحيد انك فاهمانى
مصطفى ميرسى على تعليقك يادرش
انا بقول ان الواحد مش محتاج اكتر من ودن تسمعه
Post a Comment