كان ليا زمان جريده

كان ليا.. زمان جريدة

كان ليا زمان جريدة

بتوزع ألف نسخة

بتدخل بيها البيوت

ترويسة عليها اسمى

ياعم أنا عايز أعدى

لو طالبه موت ..هاموت

على حرف انا لسه كاتبه

مانشفشى منه دمى

يا عم سيبنى أدندن وأعمل تحقيق كبير

عن بنت بيضة بيضة

شفايفها حمرا حمرا

بتلزق فى الكلام وبتضحك ضحكة يابا

فستانها لونه وردى

والصدر أوعى وشك

من حقه كمان يفوت يلحق يحجز له مطرح

ده البنت عايزة تفرح بموضوعها الخطير

والريس برضه ريس

من حقه يشوف كلامها

لو عاند فى الجميع

القالك انت مطرح جنبه بتتأيد يا باشا

تأييدك له ضرورة

الريس قاللى ماشي راح تدخل النقابة

عملك محسوب عليك

لو كنت ماشي ماشى

انت الخسران نهايتك

محروم من المكافأة

مشطوب م الصفحة اسمك

متشال من الأخيرة وم العدد الجديد

كان ليا زمان جريدة

مومس وبنت قحبة

بتوزع ألف نسخة

تدخل بيها البيوت